← Saari free guides · Prompt packs
Bolne Wali Sher AI Video — Master Prompt + 20 Ideas
ChatGPT + Google Flow se 20 second ki funny cartoon video, awaaz ke saath
📋 Ye video kaise banti hai?
Reel wali Sheru Bhai vs Golu Bhai video 2 steps mein bani: ChatGPT ne funny dialogue + 2 video prompt likhe, Google Flow ne dono 10-second clips bana di, characters ki awaaz aur lip sync ke saath. Dono clips jodo, 20 second ki video ready.
Humne ye khud 14 Nov 2026 ko banaya: Flow mein Omni 1.1 Flash, 9:16, 720p, 10 sec = 15 credits per clip. Poori 20 sec video = 30 credits.
💰 Free mein kitna banega?
- Google Flow bina paid plan ke roz 50 free credits deta hai (har din reset, bache credits aage nahi jaate).
- Omni 1.1 Flash pe 10 sec clip = 15 credits → ek din ke credits mein poori 20 sec video.
- Naya model Omni 1.2 Flash = 30 credits per clip → free mein roz 1 clip.
- Flow 18+ age-verified Google account maangta hai.
Dhyan do: Flow mein Omni 1.1 Flash ke saath "Leaving Dec 5" likha hai. Uske baad 1.2 hi bachega (30 credits). Credits aur models Google kabhi bhi badal sakta hai, apne account mein check karo.
🧠 Step 1: ChatGPT master prompt (copy-paste)
ChatGPT (free bhi chalega) kholo aur ye poora prompt paste karo:
Master prompt
Tum ek funny AI video writer ho. Mere 2 characters hain: 1) SHERU BHAI: ek royal white lion, insaan jaisa khada, safed 3-piece suit, gold watch, gold chain, bahut confident, rich business owner. 2) GOLU BHAI: chubby cartoon aadmi, peeli half-sleeve shirt, chhoti red tie, gol chashma, ek baal upar khada. Ek luxury auction ka 20 second ka funny scene likho jisme dono ek cheez ke liye boli lagate hain aur Sheru Bhai bade-bade nakli numbers bol ke jeet jata hai. Mujhe do cheezein do: - 8 line ka Hinglish dialogue - Part 1 (0-10 sec) aur Part 2 (10-20 sec) ke liye alag-alag English video prompt, 9:16, ultra realistic cinematic 3D, same characters dono mein. Har prompt mein dialogue "DIALOGUE WITH LIP SYNC, in Hindi" ke saath likho. Kisi shehar, brand ya music ka naam mat likhna.
ChatGPT tumhe 8 line ka dialogue + Part 1 aur Part 2 ke English prompt dega. Dono copy kar lo.
🎬 Step 2: Google Flow mein video
- labs.google/flow kholo, Google account se login karo, New project.
- Neeche settings chip dabao: Video, 9:16, model Omni 1.1 Flash (ya 1.2), 720p, 10s, x1.
- Part 1 prompt paste karo, → dabao. 1–2 minute mein clip ready.
- Box saaf karo, Part 2 prompt paste karo, → dabao.
- Har clip kholo → download icon → 720p.
Flow ne mana kar diya? ("third-party content providers") Prompt se shehar ka naam, brand ya kisi film/cartoon character ka naam aur "background music" hata do, phir dobara bhejo. Credits refund ho jaate hain.
✂️ Step 3: Dono clips jodo
- Phone pe InShot, VN ya koi bhi editor kholo.
- Part 1, phir Part 2 timeline pe daalo. Bas, awaaz already clip mein hai.
- Chahe to upar text likho: "Wait for the tutorial 👇" aur export 1080p.
- Characters ka look har part mein same likho (kapde, rang, chashma)
- Dialogue chhote rakho, 10 sec mein 3–4 line hi aati hain
- Doosre creators ke characters ya clips copy mat karo, apna character banao
💡 20 aur video ideas (master prompt mein bas scene badlo)
Master prompt mein "luxury auction ka scene" ki jagah neeche wala idea likh do. Characters badalne hain to unka look bhi likh do.
| # | Idea | Kiske liye |
|---|---|---|
| 1 | Sheru Bhai vs Golu Bhai: auction mein golden toilet seat | Hamari reel wala |
| 2 | Sheru Bhai vs Golu Bhai: auction mein private jet | Sabse popular trend |
| 3 | Sheru Bhai vs Golu Bhai: auction mein ek plot, 'Golu, ye zameen meri' | |
| 4 | Haathi Seth vs Bandar Bhai: sabzi mandi mein 1 kilo tamatar ki boli | Desi comedy |
| 5 | Bhalu Bhai vs Golu Bhai: shaadi mein last gulab jamun ke liye boli | Shaadi season |
| 6 | Sheru Bhai ke showroom mein customer ka bargaining fight | Business owner relate karega |
| 7 | Cheeta Courier vs Kachhua Courier: kaun pehle parcel pahunchayega | Delivery / logistics business |
| 8 | Ullu Accountant: Golu Bhai ka GST bill dekh ke behosh | CA / accountant ke liye |
| 9 | Sheru Bhai ka client call: 'Bhai budget 500 rupaye, logo Apple jaisa chahiye' | Freelancer / designer ke liye |
| 10 | Lomdi Salesman vs Golu Bhai: phone ki EMI pe deal | Mobile shop |
| 11 | Billi Chef vs Sheru Bhai: restaurant review, 'namak kam hai' | Restaurant / cafe |
| 12 | Gorilla Gym Trainer: Golu Bhai ka pehla din gym mein | Gym owner |
| 13 | Sheru Bhai property dealer: 1 BHK ko '5 star villa' bata ke bechna | Real estate |
| 14 | Haathi Doctor: Golu Bhai ki 'bas thoda sa' mithai wali report | Clinic / doctor |
| 15 | Bandar Teacher vs Golu Bhai: homework kutte ne kha liya | Coaching / school |
| 16 | Sheru Bhai ka WhatsApp group: 'Good morning' 100 baar | Har kisi ko relate |
| 17 | Golu Bhai ka pehla Instagram reel: 3 views, 2 mummy-papa ke | Creators ke liye |
| 18 | Sheru Bhai vs Golu Bhai: cricket auction mein ek player ke liye 1000 crore | Cricket season |
| 19 | Diwali sale: Sheru Bhai ke store pe '90% OFF' aur Golu Bhai ka shock | Festival offer reel |
| 20 | Sheru Bhai launch event: apne product ka 'world's first' ad (apna product daalo) | Apne business ka ad bana lo |
Ek tool se aage
Ye ek guide thi. Poori AI team chahiye?
16 AI agents jo client dhoondhte hain, content banate hain aur WhatsApp ke jawab likhte hain. Free ChatGPT ya Gemini mein chalte hain. Ek baar ₹699.
AI Business Team dekho →Isi tarah ki aur guides
Prompt packs
Hindi Voice-Over Artist ke Bina — 5 Free Websites
Complete Guide (Hinglish) — script likho, Hindi awaaz taiyaar
Guide kholo → Prompt packsCV Banwane ke Paise Kyun Do? — 1 Master Prompt + 15 Prompts
Complete Guide (Hinglish) — ChatGPT se resume, LinkedIn aur interview ki taiyaari
Guide kholo → Prompt packsKaunsa Rang? Painter Se Pehle — 20 Gemini Prompts
Complete Guide (Hinglish) — ghar ki ek photo, har rang pehle hi dekh lo
Guide kholo → Prompt packsNakshe ka 3D — 20 Gemini Prompts
Complete Guide (Hinglish) — kaagaz pe bana naksha, poora 3D ghar, architect se pehle
Guide kholo →